Fans跪地「求婚」菊梓喬開心到喊
歌手菊梓喬昨日舉行新碟簽唱會，期間玩拋花球及與男歌迷玩求婚遊戲，她搞笑地扮感動到喊。受訪時問到可有信心在無綫《勁歌金曲頒獎典禮》大豐收？她說：「我多提名啫，唔代表多獎，希望大家都有好成績，獎係為團隊而攞，希望幫團隊爭光。」新一年她最希望能夠舉行個人音樂會。
講到日前在社交平台發文「我累了」，是否因被師姐吳若希（Jinny）封為「一姐」引起的風波所致？她說：「我鍾意世界和平、簡簡單單，唔鍾意太多爭論，最緊要係嗰個人原意唔係咁，其他人加鹽加醋冇辦法。（未習慣？）聽咗一年都會有少少攰，但其餘嗰啲日子都OK。」她笑言雙方有傾番件事：「佢都覺得好笑，仲話講笑使乜咁認真，係網民反應大，Jinny嘅影響力好大。」
