傅嘉莉腳踏三船豬年當旺！

藝人傅嘉莉（Kelly）、姜麗文昨日出席一月星辰活動，剛拍完新春賀年節目的Kelly，獲堪輿學家贈了幾句當生日禮物：「佢話我豬年有貴人，又話今年旺木，凡係做頭飾同頭髮生意會好旺，我有個頭飾品牌，希望演藝事業同生意都豐收。」桃花方面，對方指她有男友才旺事業，最好有三個：「我問佢劇入面可唔可以，因為我之前拍《包青天之再起風雲》，入面有多過三個人鍾意我。」另外，她在新劇《極道怪咖》中，跟許家傑開工第二天便要拍接吻戲。