苑瓊丹狂發老公脾氣
藝人苑瓊丹昨日以包租婆Look為維特健靈拍廣告，透露今次會有三、四個不同造型。提到產品是給更年期的女性，她表示：「更年期唔係性病，只係正常生理問題，50幾歲嘅女性就會有，冇先奇怪。（對你造成困擾？）又冇喎，真係謝天謝地。」
她續指自己一向注重健康：「經常針灸、放血、睇中醫、食保健產品。人哋話更年期會脾氣大，好好彩我脾氣不嬲都咁大o架啦。」問到可會對老公發脾氣？她即冧滋滋笑言：「我老公咁就我，梗係發佢脾氣啦，去到呢啲年紀係好自然嘅相處，大家唔會唔畀大家做乜，係互相尊重。我都奉勸所有女性，成日（目及）住大家好辛苦，要互相尊重、互相扶持，咁樣生活先美滿。」