陳柏宇掛住唱懶理妻女

歌手陳柏宇（Jason）前晚舉行尾場演唱會，歌迷情緒高漲不願離開並大叫Encore，他最終再唱出《尊嚴》，演唱會於晚上11時15分結束。完騷後，被問到是否想開多幾場？他說：「都想繼續唱，今次唱太多人嘅歌，亦有唱出自己嘅Side track（非主打歌）。」
陳柏宇獲老婆帶囡囡撐場。
陳柏宇獲老婆帶囡囡撐場。

Jason坦言太太符曉薇及女兒Abigail亦有到場支持，問會否變得緊張？他說：「冇緊張，好興奮，其實之後我都掛住唱唔記得佢哋。（咁講要跪玻璃！）咁我喺台上又冇理由掛住佢哋嘛！（囡囡有咩反應？）佢醒吓又瞓吓咁。（太太話囡囡唔肯飲奶搞到瘦晒？）冇咁嚴重，陪月姨姨嚟同佢磅重，都有成十磅，之前得九點幾磅。」他表示演唱會後只向公司請假兩日，而昨日朋友結婚亦要一早起身做兄弟。

陳柏宇落台親親歌迷。
  • 陳柏宇落台親親歌迷。