薛凱琪落田村姑褲賣斷市

薛凱琪最近參與內地真人騷《完美的餐廳》演出，除要打掃清潔及招呼客人外，還要親自到農場採摘食材，更被迫着「獨特」農村服開工：「下身條花花褲真係不得了，節目組呢條褲喺網購賣斷貨，可能大家睇完我哋着之後，成為潮流指標，所以大批入貨！」
薛凱琪一身打扮帶領村姑潮流。
薛凱琪一身打扮帶領村姑潮流。

自嘲廚藝一般的薛凱琪笑說：「要我煮已經好驚訝（口架）啦！好在我向梁祖堯學整粟米羹，刮粟米粒都好辛苦，不過每次收舖後，工作人員都會問我有冇湯剩畀佢哋飲，證明我煮得唔錯！」她坦言落田拍攝時天氣炎熱，但回歸大自然令她感覺舒服：「雖然我住喺城市，不過都嚮往偏僻、山區嘅簡單生活，因為對我嚟講簡單就係開心，有時覺得比留喺城市更快樂。」

薛凱琪放下歌手身份，落田摘蔬菜。
  • 薛凱琪放下歌手身份，落田摘蔬菜。