張振朗私約王浩信練Kiss
視帝王浩信於新劇與新進小生張振朗大玩「HeHe」戀，再度上演咀嘴戲，更揚言想當主導者，振朗則對會否咀出另類愛火有保留。而劇中高海寧為測試浩信是否由直變攣，主動出擊撩上床。
王浩信、張振朗、馮盈盈及高海寧（高Ling）等昨日出席無綫新劇《極道怪咖》試造型，被指於劇中有「七星伴月」艷福無邊的浩信表示，尚未看畢劇本，但振朗爆料說：「浩信最愛係我，我哋會有場錫錫戲。」
談到「HeHe」咀戲，浩信坦言做足準備：「其實《踩過界》試過畀振朗咀，今次希望我係主動。」振朗則謂：「佢主動我咪欲拒還迎囉！（會唔會咀出愛火？）好難講，睇吓浩信呢排有冇空檔，我哋約讀劇本，順便預演場咀戲。」
馮盈盈「淑女」做自己
為角色駁長髮的高Ling，透露將分別與石修及浩信有感情線，問到與石修可有重口味戲份？她哈哈笑說：「冇啦！我同浩信就有場床上戲，測試佢係咪鍾意男人，我要色誘佢，但未知戲服係點。」
至於剪了一頭新髮型的盈盈，笑言感謝監製林志華給她機會於劇中演回真我的淑女本色，問到能否勝任？她笑說：「OK嘅，選港姐時都好貼近呢個角色，我有信心塑造到。」