Super Girls恨約小鮮肉聖誕Happy
組合Super Girls（SG）昨日出席聖誕活動，成員Cheronna與Yanny剛過生日，兩人早前開工時已跟隊友慶祝，笑言早預知驚喜：「年年差唔多時間都一定有，所以最佳驚喜係冇驚喜！」她們又開心謂剛發布聖誕特別版的《睡衣派對》給Fans做禮物：「重新錄過首歌，加咗樂器、唱法又唔同，充滿Jazz Blues嘅感覺。」
講到慶祝活動，Heidi提議可搵新男子組合MIRROR一齊慶祝，Cheronna聽完即興奮笑說：「唔介意同小鮮肉玩。（唔怕男友Dixon呷醋？）唔會！其實我意思係做Party統籌啫，然後搵番啱年紀嘅人玩，所以會去Dixon屋企同朋友燒嘢食。（送禮物畀男友？）年年都話包住自己送畀佢。」同場的伍富橋表示昨日終拍畢《殺手》，但佳節仍要在工作中度過：「搵錢至上，依家係搏殺期！」
