藝人陳煒昨日現身工展會，大顯身手炮製美食給市民品嘗，大受歡迎。最近獲得最受歡迎電視女角色的她坦言，得獎後工作量大增：「多咗好多廣告同代言工作，又有內地活動同電影傾緊，真係好感恩。」今日她會宴請《宮心計2深宮計》的台前幕後食飯慶祝。廚藝了得的陳煒有興趣開私房菜，但自嘲說：「我係賣豉油送雞嘅人，會蝕死自己，除非搵個擅長做生意嘅拍檔。」又透露跟飲食集團合作，推出應節食品。
