面試4分鐘莊思敏攞全球華人傑青

歌手孫耀威和藝人莊思敏前晚齊獲「全球華人傑出青年」榮譽，莊思敏舉家到場支持，除舅父、莊思華、莊思明及男友楊明外，最感動是媽媽和細佬Charles專程由馬來西亞來港。她提到由提名到獲獎歷時八個月，6月曾到馬六甲面試，當時極為緊張，別人面試要半小時，她只需3、4分鐘：「當時諗實唔得啦！點知最後通知得咗，真係好開心！」
莊思敏攞傑青獎，忍不住錫啖獎座。
莊思敏攞傑青獎，忍不住錫啖獎座。

孫耀威在戲劇和音樂上獲得不少獎項，對於首個個人獎項大感意外，自言「失蹤」幾年，各地粉絲對他仍不離不棄，十分感激，並趁機向老婆陳美詩放冧招：「喺我高高低低、生意失敗嘅時候，佢都陪我捱，依家一切上番軌道，希望努力做好啲，令身邊錫我嘅人唔使擔心我。」

孫耀威榮升傑青，多謝Fans同時冧老婆。
  • 孫耀威榮升傑青，多謝Fans同時冧老婆。