舊愛3條King陳曉東追多個湊夠3條Queen
歌手陳曉東（東東）昨日應邀為周家蔚及劉永健主持的ViuTV節目《友枱VIP》擔任嘉賓，東東透露明年三月首踏紅館開個唱，為表誠意會有快歌熱舞。對於舊愛張栢芝誕下第三胎，他即時恭喜對方，並笑說：「佢依家三條King，我就係一對Queen。（再生變三條Queen？）順其自然，我好歡迎！（會唔會想追仔？）冇呢個壓力。」
至於周家蔚要在節目中下廚，朝早6時便要起床準備食材，需兼顧家庭事業的她坦言身心俱疲，幸好早前與老公洪天明到日本二人世界充電，今天又會一家人出發到三亞度聖誕。