朱智賢聖誕冇人約靠劉佩玥打救
藝人劉佩玥與朱智賢等一班《救妻》演員昨日出席宣傳，與大班粉絲玩遊戲，兼獲女同學讚靚。提到聖誕，朱智賢表示未必有人約，劉佩玥即拍心口：「你冇人約，我約你！」
無綫劇集《救妻同學會》與觀眾提早過聖誕！一班演員劉佩玥（Moon）、朱智賢、伍富橋、黃美棋、黃庭鋒、蔚雨芯、劉溫馨與余思霆等出席「聖誕友你」活動，但Moon的「老公」胡鴻鈞卻因病缺席，只得老婆上陣在台上玩遊戲，大受學生歡迎的她說：「最開心係佢哋對劇情好認識，仲有女同學讚我哋靚！女仔通常怕醜啲，所以特別Sweet。」
聖誕節將至，朱智賢呻沒有人約會，問到緋聞男友謝東閔是否沒有行動？她笑說：「佢應該都忙工作，我就得閒啫！睇吓到時點。（感情出咗問題？）冇啊！大家都係做嘢為先。」Moon在旁聞言即搭訕：「如果你冇人約，我約你！」
與拍檔開P 抽中毛巾
講到自己，Moon指已有很多人約會她，打算與大班朋友開派對，問到緋聞男友周志文可有相約？她笑說：「到時都應該會一大班朋友一齊慶祝。」但她自言不太喜歡收禮物，尤其是花費在包裝紙上，覺得很浪費：「不如直接Cash啦！」
另外，Moon表示前晚與劇中演員舉行聖誕派對，還進行交換禮物：「我抽到一條毛巾，但原來都唔係最差，大家投票認為最差嘅禮物係黃庭鋒送嘅按摩機。」
