JW瘦身成功歌衫拉到鏈

藝人王灝兒（JW）、薛家燕、曾樂彤昨日出席籌款騷《慈善星輝仁濟夜》記者會，正積極為首個澳門騷排練的JW，興奮指日前再去試演唱會衫時，條拉鏈終於成功拉上，又自言與男友默契十足，互送新電話作聖誕禮物。講到將於周日為好友江若琳婚禮擔任姊妹，她尷尬笑話不會主動去搶花球：「唔想被人影到，到時會企後啲。」
JW與男友互送電話作聖誕禮物。
JW與男友互送電話作聖誕禮物。

至於剛從頒獎禮先拔頭籌獲新人獎的曾樂彤，信心爆棚指想大滿貫：「獎項攞得愈多愈好，會抱住樂觀心態，獎項唔係自己，係公司同事帶住我成長嘅成果。（準備咗性感戰衣？）我上次都樽領，冇得再封，除非戴面具！」至於薛家燕透露稍後會去日本旅行浸溫泉，自爆會分享溫泉靚相：「會着埋衫浸嘅！」

曾樂彤豪言想新人獎大滿貫。
  • 曾樂彤豪言想新人獎大滿貫。