張智霖做「人肉速遞」

藝人張智霖（Chilam）與袁詠儀（靚靚）結婚多年，依然十分恩愛。日前靚靚到中環Shopping，出名廿四孝老公的Chilam即做柴可夫管接送。當日下午4時許，穿灰色大褸、腳踏波鞋的靚靚現身名店置裝，不一會已有斬獲，付款後就拿着大袋戰利品往商場外的上落客區等車。期間見她如「望夫石」般頭岳岳，不時伸長條頸兩頭望，等了數分鐘，就見老公Chilam駕駛四驅車前來接載，靚靚拿着戰利品急急腳上車離開。
Chilam拿着大袋東西，邊行邊向老婆報到。
Chilam拿着大袋東西，邊行邊向老婆報到。

任勞任怨

翌日Chilam化身「人肉速遞」幫老婆外出拿東西，約下午4時半，戴着太陽眼鏡的Chilam，雙手插袋Chok爆現身中環。期間有途人認出眼望望，但他未有理會，施施然步往附近一幢商廈，逗留約15分鐘後拿着大袋東西步出，見他還邊行邊向老婆報到，無半句怨言，其後步往附近商場取車返歸。

袁詠儀
  • 袁詠儀
靚靚如「望夫石」般頭岳岳等車，一見老公座駕即急急腳上車。
  • 靚靚如「望夫石」般頭岳岳等車，一見老公座駕即急急腳上車。