柏豪手大累事唔敢作煮
周柏豪今年化身「空中飛人」，火力全開攻陷歌影視，年底推出新碟向粉絲「交人」，並藉新歌《老少平安》講述與家人相處點滴。他自爆童年志願是做廚師，但因手掌太大不便下廚，被迫放棄夢想！
柏豪與粉絲提前慶祝聖誕節，到師妹黎紀君（Christy）的烘焙工作室製作薑餅人兼開Party。見柏豪翻糖着色時有板有眼，原來他小時候志願是做廚師，但很快放棄，私下更不再下廚，他說：「發覺唔係咁簡單，因為我隻手太大唔方便。（試過下廚畀驚喜太太？）冇呀，唔好搞人啦！食落肚嘅嘢買就最穩陣。」
「爸爸以我為榮」
他於派對上分享與親人之間的感人故事，直言想起幽默的爸爸︰「每當邀請佢做啲冇興趣嘅嘢，佢都寧願喺屋企休息，試過去家庭聚會好掃興話走，希望可以爭取多啲時間同佢相處、去多啲旅行。」不過他指每次開騷，爸爸必定捧場，有次偷聽到對方與親戚的一番感人說話，他哽咽憶述：「佢話去睇吓個氣氛同支持個仔，見到個仔咁成功好開心。我從來冇聽佢咁講過，原來爸爸係以我為榮！」
自認是合格兒子的他坦言，對家人無論經濟、心理都照顧周到，不過他對時間管理及控制脾氣很差：「太忙唔係成日返到屋企食飯，呢樣嘢我好唔開心，會主動同佢哋視像。有時返到屋企，佢哋問我工作上嘅嘢就唔想答，但知佢哋關心我，唔係煩，攰係一個理由，但都係一個藉口，所以喺呢方面想改善。」
Christy則自嘲是不合格的孫女：「同嫲嫲一樣都係火爆人，都搵緊啲啱嘅方法同話題相處。」
感激背後女人
2018年快將結束，柏豪非常滿意今年各方成績：「真係好豐收，橫跨兩部劇集、網劇、巡演同出唱片，最難忘係未試過去橫店拍嘢兩個幾月冇見過父母，會掛住屋企人。」問到是否想做爸爸？他笑言隨緣，目前專心工作，又冧指老婆永遠在背後支持，從不「詐型」。場地︰Sugar Please Bakery House