父愛滿瀉 祖藍「預演」抱Ｂ
王祖藍、鍾舒漫主演的原創聖經音樂劇已進入倒數階段，近日忙錄內地綜藝節目兼照顧待產太太李亞男的祖藍，不但經常中港兩邊飛，每日更只有兩、三小時睡眠。雖缺乏休息，但他綵排時絕沒有「揸流攤」，只要一埋位就放盡喉嚨挑戰高音，動作場面亦「劍劍有力」。未知是巧合還是導演厚愛「加料」，他在劇中有不少抱B場面，成功將慈父一面演繹得淋漓盡致，被取笑是為榮升爹哋「預演」。
祖藍坦言對於囡囡誕生一刻既緊張又期待：「我已經同工作人員講定，將來就算幾忙，都至少留夜晚時間畀我返屋企見吓個女，因為一定好掛住。」不過問到囡囡預產期時，他卻大賣關子：「快（o架）喇，總之2019年前啦。」
