吳若希酸爆祝賀 菊梓喬坐正「一姐」

歌手菊梓喬（Hana）昨日現身《十大》頒獎禮，雖然空手而回，但依然坐足兩個鐘，提到師姐吳若希（Jinny）留言恭賀她前晚在無綫獲「最受歡迎電視歌曲」時，稱呼她「一姐」即時被指「酸爆」，辣（興）雙方Fans掀網上罵戰，Hana表示深夜才睇到相關留言，大方接受恭喜：「佢好錫我、好支持我，知佢唔舒服先缺席。」並深信Jinny並冇惡意，只是玩笑一場，追問會否覺得今次是網絡欺凌？她急智自抽：「都唔係第一日嘅事，做藝人有好多說話、批評要承受，不過講咩係自由，要記住尊重人同時都要尊重自己，留意到有對我同Jinny嘅過分留言，唔想再發生。（何雁詩同谷微對呢件事表示『食花生』？）有咁嘅事？（你哋不和？）冇，都係講笑啫！」