李佳芯預知做視后 馬德鐘萬歲「齋」慶功

出爐「視帝」馬德鐘與「視后」李佳芯於頒獎禮結束後接受訪問，齊聲表示會攬住個獎瞓覺。提到李佳芯領獎時沒有多謝男友陳炳銓，她說：「我咁高調嘅咩？」又直言不覺自己爆冷：「反而嚟咗有啲預知感，見到啲人眼神，同好多人恭喜我。」
馬德鐘與李佳芯開心到要攬住個獎瞓覺。
馬德鐘與李佳芯開心到要攬住個獎瞓覺。

至於入行25年首奪視帝的馬德鐘感觸說：「冇諗過攞獎，原來呢個世界真係有希望。（張衞健冇到，係咪放下心頭大石﹖）我真係冇咁諗，我原本係好輕鬆咁嚟睇騷，冇諗過，都嚟唔切反應。」又稱沒想過《跳躍生命線》能奪「最佳劇集」﹕「我可能資歷深，見到劉佩玥同張曦雯都喊晒戥我開心，睇到呢份情，好感動。（點慶祝﹖）劉佩玥話唔介意食齋，何廣沛話要食盡佢。」

粉絲送花及朱古力為李佳芯慶祝。
  • 粉絲送花及朱古力為李佳芯慶祝。