阿Sa擺烏龍錯過觀禮

周勵淇（Niki）的圈中密友蔡卓妍（阿Sa）與鍾鎮濤（阿B）原來早已知其婚事！忍口守秘密多時的阿Sa，昨日終於可以公開恭喜新娘子，但自爆錯過婚禮：「終於唔使守秘密喇！最衰我懵盛盛搞錯咗時間，去唔到賀佢哋，遲啲補番餐，祝佢哋白頭到老，甜甜蜜蜜。」阿B則透露見過新郎哥：「我知道好耐！戥佢開心，其他嘅嘢交畀Niki講。（見過佢老公？）佢話我見過喎！但我就冇印象，應該喺啲Party出現過。（佢哋識咗好耐？）聽佢講唔係啱啱識，但拍拖就唔係好耐嘅事。」問到有否祝對方早生貴子？他笑說：「呢啲最緊要佢哋自己開心啦！我用我首歌嘅歌詞祝福佢哋：『甚麼都難不到，一直到老。』」