舊愛鄭嘉穎大方祝賀

舊愛周勵淇驚爆已婚，鄭嘉穎受訪問大方回應，指結婚是開心事：「恭喜她！」而他前晚與張晉及周秀娜等出席電影《葉問外傳：張天志》首映，張晉早前於社交網笑老婆蔡少芬的普通話，自爆隨即被警告，得番半條命：「估唔到佢反應咁大，呢個世界真係唔公平！我講錯廣東話，一個字佢笑我幾年，笑佢少少都唔畀。」嘉穎提議他閂埋房門才笑老婆，但自言非怕老婆，而是出於尊重：「兩者好大分別，張晉係怕，我屋企冇暴力，同埋我唔會公開笑我老婆。（閂埋房門先笑？）閂埋房門嗰啲叫情趣，唔知你諗咗去邊。（女王式對老婆？）大肚一定係，唔敢激佢，依家講嘢好避忌。」而周秀娜則透露正式成立工作室。