冇否認老婆有咗 基仔：返屋企問佢！

歌手古巨基（基仔）前晚為配合新碟《維多利亞》主題，於懷舊冰室舉行發布會︰「喺冰室唱歌真係第一次，自己成日食茶餐廳，但入行後就買外賣多。」又呻現時被太太Lorraine「管食」，更心虛自認最近肥咗：「要出碟、宣傳、開騷，佢都有嚴格管制。（啱啱破戒？）為咗做嘢而食係唔會肥嘅！」對於太太傳有喜，問到是否可恭喜他？基仔沒否認亦沒承認，只笑笑口說：「我對佢唔係好了解，返屋企要問吓佢！（未知係咪做爸爸？未夠日子唔講得？）我哋喺屋企好少傾偈，你咁問我就要特登問吓佢。」