老婆又生女周志康產房被鬧

藝人周志康與圈外太太盧芷茵（Emily）婚後育有一女Emma，日前太太再為他誕下二公主。昨日他接妻女出院，一家四口現身醫院大堂時，Emily竟犯產後不能吹風禁忌，着超短牛仔褲現身，她說：「因為好熱呀，我熱到流晒汗，而且我好少喺室外，轉頭就上車，唔會好吹到風。」周志康笑說：「我連喺產房出聲佢都鬧，唔畀我講嘢，依家惟有返屋企時幫佢擋住啲風。」他透露細女較預產期早逾兩星期出世，重5.9磅，當時太太行街時突然作動，去到醫院至女兒出世只花了兩小時。