連詩雅唔同吳若希爭一姐
歌手連詩雅（Shiga）昨日宣布正式加盟星夢娛樂並舉行加盟儀式，老闆何哲圖與同門歌手吳若希（Jinny）、何雁詩、菊梓喬（Hana）等都有現身恭賀，至於她視為大哥哥的師兄周柏豪則拍片道賀。
問到加盟費數字？Shiga笑指是商業秘密︰「今次係開心價、開心年。」透露很快會錄新歌的她希望多唱劇集歌，笑言猶如出嫁般，心情緊張︰「着咗呢條紅色裙，頭先好多人恭喜我，有一刻想同佢哋講『招呼唔到，飲多杯』。」成為師妹，她說感覺特別，但否認過檔做一姐︰「對我嚟講只係新發展，呢個世代都冇（一姐）呢啲嘢。（爭寵？）係百花齊放，每個人路線唔一樣。」
至於Jinny被問到可怕一姐地位不保？她抵死笑言：「正啦直頭！我同佢係同期出道歌手，依家多個師妹唱劇集歌，可以帶畀聽眾多啲新鮮感。」