藝人董敏莉上月底開刀誕下愛女「子子」，日前母女已出院回家，初為人母的她坦言成功餵人奶感動到想喊：「頭幾日唔係好成功，但尋日開始有，嗰刻真係想喊出嚟！」本身好怕屎尿的她終感受到母愛的力量：「幫囡囡換片真係唔同，好有成功感。」暫當全職媽咪的她說：「喺醫院教識晒我點幫子子沖涼、換片，我哋呢啲新手媽咪真係驚，最難真係掃風，要好好研究。」
