天后容祖兒除了唱得，原來對設計珠寶都好有興趣，最近更親自為英皇珠寶Heartbeat心動系列設計鑽飾，她說：「今次設計珠寶嘅新嘗試令我好興奮，希望利用自己對舞台上嘅初心，加上音樂動感節拍所形成嘅每個心動時刻，作為整個系列嘅主題。」對衣着講究的她又分享配襯心得：「其中一對流蘇耳環款式，簡單配襯T恤或乾濕褸已令造型好有動感同型格。」
