劉心悠拉筋痛到標眼淚

劉心悠為香港芭蕾舞團聖誕劇目《胡桃夾子》客串演出「星光仙子」角色，為了做好準備，近月每天努力練習和綵排，更不惜推掉多部影視作品。現時她每日最少花6小時拉筋，務求提升柔軟度，拉筋更拉到喊：「雖然我有運動同瑜伽底，但柔軟度唔足夠應付芭蕾舞嘅柔美動作，每次拉筋嘅動作好似肌肉撕裂咁，非常痛，淚水係咁流，導師以為我接受唔到，想停止幫我壓腿，我覺得捱到嘅，就不停叫繼續！」