周柏豪嬲爆捍衞「底底」！
周柏豪昨日現身電台，自爆剛在江門舉行巡唱時遇上不快事，因入住的酒店行實名制，要拍下住客照及回鄉卡照片，豈料數小時後，經理人收到其資料外洩的舉報，柏豪說：「話我啲資料喺朋友圈瘋傳，我覺得好荒謬，唔係我着咩顏色底褲都要畀人知囉！」
經投訴後，酒店及涉事的酒店職員親自向他道歉，柏豪說：「不過佢哋係衝上嚟，我一打開門就見到佢哋，好在當時有着衫，嗰個員工喊晒咁，叫我畀次機會，我又唔係要酒店炒佢，我接受咗道歉，不過都要將事件講出嚟，提醒大家要小心。」他預了被網民「插」他「食得鹹魚不抵得渴」，但他堅持非公眾場合不想被侵犯私隱。
