James電眼追姐姐年紀大仲正！

Chok到爆的James與Cher雖然全程鬥嘴，不過勁有默契。

James（Teeradon Supapunpinyo）第二次拍戲就擔正《寄身100天》，主演「鬼上身」角色體會人生感受，於戲中追求資優學姊Cher（Cherprang Areekul）的他，接受本報訪問時被問到私底下是否一樣勇敢發展姊弟戀，他秒速神回應：「有咩問題？梗係年紀大啲更加正啦！」而被封泰國男神、女神的二人講到出招冧心儀對象時，Cher尷尬自爆：「其實我未試過溝人喎！」苦思良久才諗出一招：「可能我應該主動去問對方叫咩名！」但即被James笑爆怪雞，他就自言會出盡電眼晒魅力！

被廖子妤吸引

對於日韓港台的男神女神，James認真表示想與Cool爆的廖子妤合作，坦言對方五官特別，感覺吸引！Cher則一眼睇中爆肌的日本人氣王竹內涼真，被James大笑喜歡對方的完美「波地」！去年曾來港宣傳的James表示未有時間試勻香港美食，希望將來有機會食魚蛋與燒肉。

唔知Cher有冇畀James電親呢？

導演柏德潘王般對香港的街景讚不絕口。

而導演柏德潘王般（Parkpoom Wongpoom）受訪時，大讚香港的街景有電影感：「如果泰國有呢啲，早就被人搵嚟取景！」更表示想與本港鬼片女王羅蘭合作。