「模界舒淇」蔣浩鈴爆喊谷人氣
名模Cara G.師妹蔣浩鈴（Abby）有「模界舒淇」之稱，甫出道踏上紐約、米蘭等國際天橋，之後她從逾千名參賽者中脫穎而出，躋身內地模特兒選秀節目《愛上超模》及《天使之路》，於《愛》更勇奪第四名，廣為內地網民認識。她說：「全個節目喺美國拍攝，試過喺紐約時代廣場封街取景，好似拍緊電影《蜘蛛俠》咁大規模。又要喺4米水深嘅水底影相，我唔識游水，不過我唔怕水，反而覺得超好玩，又試過50幾度高溫下喺救贖山拍攝，拍到中暑。」
雖然她於另一節目《天》很快便被淘汰，但Abby認為已得到「吸睛度」，令觀眾留下深刻印象：「我喺首集要同鷹一齊影相，我好驚家禽類，一見到已經嚇到喊，其他人都將隻鷹放喺手，唯獨我冇，可能因為咁扣分。」除了模特兒工作外，Abby對綜藝節目深感興趣，認為可以讓觀眾看到真實的自己。