愛駒流鼻血跑輸 李丞責「補飛」照贏70萬
剛榮升馬主的堪輿學家李丞責與前港姐老婆劉倩婷，名下新貴「歡樂從心」昨日在沙田馬場登場即「見紅」。4歲的「歡樂從心」於成長地澳洲10戰3勝，成績甚佳，來港後試閘，速度快到冇朋友，所以初上陣，臨場落飛成為5倍次熱門。
賽前李丞責對愛駒非常樂觀，他說：「着藍色（綵衣顏色）有利，自己都係着藍衫到場。不過真係人算不如天算喇，『歡樂從心』冇錯速度好快、出閘後一支箭搶欄帶頭，但走咗半程突然慢車，仲愈退愈後最終遙遙包尾，睇真啲，原來係流鼻血呀陰功！」對於昨日最後亦贏到70萬彩金，他受訪時說：「如果要計，唔止70萬，應該接近100萬，我好感恩，當知道『歡樂從心』流鼻血之後，我同一時辰投注另一隻馬，好難得喺咁亂情況下中。（啲獎金點用？）畀隻愛駒做照料費，因為佢聽日做檢查。（送畀太太？）張飛佢一早Keep住啦！」而名媛朱玲玲及葉蒨文亦有現身馬場。
