走校園騷當收身許廷鏗瘦剩塊「膜」

歌手許廷鏗（Alfred）昨日偕樂隊Dear Jane、吳浩康、曾樂彤及許靖韻等出席新城頒獎禮拉票活動。Alfred為明年處男紅館演唱會積極收身，距離目標磅數尚欠10磅，他自稱做了「跑腿」四圍唱校園騷，連「榕樹腳」也瘦了，亦感到有少少腹肌形成，笑言只是仍有塊肥膏「膜」包住。問演唱會上可會騷肌？他反問：「係咪紅館一定要騷肌同自彈自唱，有冇其他嘢可以做？（諗到未？）諗到就唔使咁頭痕。」他表示想請不同唱片公司的歌手如密友胡鴻鈞做嘉賓，至於可會預林欣彤？他說：「想，有見過佢，佢把聲OK。」