朱智賢開工受凌辱！黐嘴咬大髀

藝人朱智賢有份主演的劇集《救妻同學會》自播出以來，引起網民不少討論，其中飾演「美蘭」的朱朱更成為「正評王」，普遍獲讚有樣有演技！昨日播出第二集，朱朱慘遭綁架，她透露拍攝時相當難忘：「當時要被蒙眼同用膠紙黐住個嘴，手又畀人綁住，加上喺荒山野嶺拍，啲路好崎嶇又易跌親，要工作人員扶我行。」她坦言為這場戲而受盡凌辱：「我畀人淋水、逼飲水，仲要鐵鏈綁腳、咬我大髀，拍嘅時候對眼係蒙住，咩都睇唔到，咁先最驚。」最驚險反而是差點變「孖膶腸嘴」：「最後我要一Take過畀綁匪搣開嘴上嘅膠紙，結果搞到紅晒，加上拍嗰陣天氣好熱，啲膠紙溶咗，拍完要即刻冰敷個嘴。」