岑麗香升Cup做媽咪？適當時候會講
藝人岑麗香昨日以低胸打扮現身活動，上圍明顯升Cup而且腹部微隆，孕味甚濃！她暗有所指暫時需要休息及調理身體，到適當時候便會公布。
自與老公強強結婚後，岑麗香（香香）已「放風」指會積極造人。昨日，她以低胸連身裙現身一田（沙田）旗艦店開幕儀式，身形圓潤不少，上圍升Cup兼肚凸凸疑似有孕，但仍穿三吋高踭鞋上陣。問到是否可以恭喜造人成功？香香急急否認：「因為條裙款有啲泡泡啫！適當時候會同大家講，畀少少時間我，努力中。」提到大會送上蛋糕，上面有張以她與老公合成的BB照片，她笑說：「個BB好得意！（想生仔定女？）到時先算，都係一個祝福。（係咪有壓力？）呢一刻有啲壓力，最重要係調理好身體同有舒服嘅心情，多謝大家鼓勵，我會努力。」
暫時休息為主
香香透露早前返加拿大探望家人，坦言最近要飛來飛去參加朋友婚禮，問到如此頻撲，老公會否擔心？香香說：「佢仲飛得多過我！呢段時間我都係休息、調理吓身體，做運動同學煮嘢食。」至於台慶頒獎典禮將至，她坦言撞正結婚周年，故不會出席，但對有份入圍女主角大感開心。
同場擔任司儀的區永權被問到好友張栢芝傳生BB，他表示不知情：「我都係睇報道先知，唔知真定假，見到報道都有少少驚訝。」