胡定欣探訪病童眼濕濕
藝人胡定欣昨日出席探訪活動，與病童及其家人傾談。提到該名小朋友很喜歡她在《城寨英雄》的打戲，還問她何時會再到訪，定欣忍不住背向鏡頭抹淚：「我問佢想我幾時再嚟，我諗或者聖誕可以叫埋班兄弟姊妹嚟唱歌跳舞。（着戲服耍拳？）都可以試吓。」
她又透露稍後將與鄭嘉穎及郭晉安到三藩市登台，24號會返港：「今年聖誕唔使開劇，可以做想做嘅嘢。（同班姊妹過？）未知，佢哋有啲要拍劇，有啲又唔喺香港。（畀機會追求者？）我都係去做善事。」記者指做善事可能識到男友，她笑言兩件事不能相提並論：「你哋睇得電視劇太多！」
