黃美棋戲癮爆發換骨脫胎

黃美棋演藝細胞咁豐富，唔做娛樂圈嘥咗啦！

童星出身的黃美棋為東網巨星節目「海馬牌床褥特約」《閨蜜睡房》擔任嘉賓，與主持李惠儀（Kiwi）細說小時候拍戲的感受：「讀書嗰陣完全諗住唔好再接觸呢一行，媽咪都叫我千祈唔好再做，小朋友就話玩吓啫，大人做呢行會辛苦㗎！」她自爆學生時期本想從商成為女強人，卻因為外國讀書生活苦悶，令戲癮重新挑起：「冇咩做我就煲劇，會睇吓如果呢場戲畀我，我會點樣做。」

剪短頭髮求變

回港後，她受不了寫字樓的沉悶工作，結果再加入娛樂圈，試過三個月沒有工開，幸其後工作不斷，最近更為無綫拍攝劇集《救妻同學會》：「如果真係好鍾意嗰樣嘢，係唔會覺得辛苦！」這次她以兩個造型挑戰不同時空的角色，除了扮演孖辮妹外，更首次剪短頭髮：「監製話呢套係我大個之後喺TVB嘅第一套劇，佢想有好新鮮嘅感覺畀大家，就問我可唔可以剪短頭髮，我話得，因為呢個係個好好嘅機會，我都想有新轉變。」

「美棋BB」整定食呢行飯。	黃美棋向主持Kiwi細說拍戲感受。	因為拍劇，劉溫馨（右起）、黃美棋、劉佩玥與蔚雨芯成為好友。