容祖兒唔怕忙享受做空中飛人

佩戴千萬珠寶的祖兒，散發高貴性感。

剛完成本月25日台灣音樂會的樂壇天后容祖兒，得悉吉隆坡開設的英皇珠寶首家旗艦店對英皇鐘錶珠寶主席兼行政總裁楊諾思（Cindy）意義非凡，前日特地偕老闆楊受成飛往當地，並佩戴價值千萬元的全新Nuò by Cindy Yeung高級珠寶閃爆現身旗艦店，她說：「Cindy邀請我任開幕嘉賓時，諗都冇諗就決定嚟，我成日諗，同英皇珠寶真係好投緣，好鍾意呢個品牌，因為所有鑽飾都係精雕細琢，同我做人嘅理念一樣，都係一絲不苟。」又讚品牌與Cindy同樣高貴及時尚，而且款式多，具收藏價值。

開騷想自彈自唱

談及日前在台灣音樂會上感觸落淚，被粉絲封為「愛哭教主」，祖兒說：「我唔係鍾意喊，係覺得啲粉絲咁支持我，又識唱我啲廣東歌，好感動！其實我想佢哋見到我鍾意唱又鍾意靚，我會更開心。」並透露想在當地開個自彈自唱的演唱會。祖兒在台灣曾被問到如可變成另一個人，自爆最想做經理人霍汶希，對此她說：「因為佢好忙，成日做空中飛人，但又神態自若喎！（會忙到傻喎！）我一定癲囉！」

重視美學的楊諾思，對珠寶充滿熱誠。	容祖兒偕老闆楊受成現身旗艦店開幕。	英皇珠寶在馬來西亞開設旗艦店，楊諾思（左二起）、陳國偉、容祖兒及葉素清，偕當地藝人Scha Al-Yahya（左一）及Awal Ashaari（右一）剪綵。

開幕典禮上，主禮嘉賓吉隆坡柏威年廣場零售業務總執行長拿督葉素清、馬來西亞對華特使陳國偉、馬來西亞藝人Awal Ashaari與Scha Al-Yahya等進行剪綵儀式，Cindy說：「作品是創意和熱誠的完美結晶，它們突出寶石精粹，成就品牌獨特的珠寶美學，以及彰顯力求完美的精湛手藝精神。」