李明慧隨時復出幕前
久未露面的前港姐亞軍李明慧前晚與丈夫陳燿陽，到灣仔出席許冠文女婿謝漢傑開設的傢俬舖活動，受訪時明慧帶點害羞，她近年回流返港居住，表示相當習慣，始終香港是自己的家，而一對11歲的龍鳳胎仔女亦在香港返學，生活開心。問到如果有廣告等幕前工作會否接拍？她說：「冇話得唔得，但依家真係唔係好習慣面對鏡頭，今次都係支持朋友，否則好少出嚟。」
同場的歌手許廷鏗透露有置業計劃：「明年三月開紅館騷，想有創作空間。（Dream House要幾大？）孤家寡佬唔使好大，幾百呎OK，家居設計鍾意簡約，外形要耐看，愈睇愈舒服嗰隻。（咁似擇偶條件？）係喎！但開騷前冇時間搵對象，好似冇人試過喺紅館度求偶？哈哈！」
