楊洛婷Tim晚晚準備造人
藝人楊洛婷（Rabeea）與Dear Jane主音老公黃天翱（Tim）昨日出席網購活動，提到一歲多的愛女Tanya，Rabeea透露準備聖誕節買BB琴給囡囡做禮物：「Tanya好鍾意音樂，6、7個月大Playgroup老師話佢對音樂好敏感。（有Tim遺傳？）我個女唔講嘢，呢樣唔似我，今日我細佬個女生日，我叫Tanya唱生日歌，佢即刻哼到首歌。」不過，她講笑稱好妒忌囡囡，因早前Tim拿着結他邊彈邊唱接囡囡放學，如此氹小情人，難怪她妒忌！
問到何時再造人？Rabeea聞言即深情問老公：「幾時追多個？」Tim豪言：「我晚晚準備好，幾時都得。」她卻踢爆老公晚晚不在家，Tim解釋因忙於明年三月開騷，好多宣傳要配合：「所以呢排唔喺張床，唔喺佢隔籬。」Rabeea仍冧爆說前日全日不見老公，她則不停Loop老公的歌，聽足全日，歌在人在。