古巨基再開紅館騷諗定「窿」路
歌手古巨基昨日出席醫學美容集團開幕活動，重提「童顏巨基」的稱號，自言保養心得就是娶一個懂得保養的老婆：「皮膚好係歸功於佢，不過自己天生都有啲麗質。佢成日催我瞓低，然後整到我一面都係唔知乜，但我好信佢，佢畀乜我就搽乜。」
至於網上有傳明年4月開紅館騷Part 2，基仔指消息屬實，坦言本想給大家驚喜，稍後會公布詳情：「上次開已經供不應求，所以就同公司講，估唔到唔夠一年就可以再開，好多謝歌迷，同埋好開心有個期，不過暫時未知開幾多場。」談到上次意外在台上跌落窿，他直言：「梗係唔好再跌啦！會更加注重安全。上次我唔小心，同埋個位有啲窄，今次會整番闊啲。」