朱晨麗擘髀迎戰

跑足大半粒鐘，朱晨麗身水身汗！

朱晨麗（朱朱）近年劇接劇，繼早前孭飛《特技人》後，近日夥拍王浩信及伍允龍等的無綫新劇《兄弟》亦已播出，她忙於宣傳該劇，同時亦為另一套新劇《法證先鋒IV》開工，由於近日集中拍攝她飾演警察的戲份，每日天未光已開工，要應付大量對白的她為免影響拍攝進度，於間場時爭取時間記台詞。

面對新劇尚有陳煒、李施嬅及黃心穎三位花旦助陣，朱朱不容有失，開拍前已落力備戰，準備與眾女鬥過。早前本報記者發現她在屋苑附近公園做運動，穿風褸兼戴鴨嘴帽的她起初手揈揈熱身，未幾便開始弓步拉筋，上落幾下已能把一隻腳舉至頭頂，又在平衡木上展示軟骨功，不斷把雙腳交替抬高，做出多個高難度動作，儼如馬戲團表演。

逛超市掃貨時，忍唔住買麵包邊行邊食。	企喺平衡木上做出高難度動作。	隻腳抬到高過頭頂，真係勁！

「大胃王」上身

一輪熱身後，朱朱步行到海濱長廊，沿住跑道來回跑足大半小時，大抵耗盡體力，跑到汗流浹背的她急不及待到超市，推住購物車主攻高卡食物芝士、高脂奶、薯片等，期間經過超市的麵包攤檔更「大胃王」上身，火速掃下朱古力牛角包，付款後即忍不住邊行邊吃繼續掃貨，暫且放下港姐高貴形象，最後拎住兩大袋食物滿足地返歸。