黃心穎爭獎 馬國明投票識做啦！
藝人黃心穎前晚性感亮相商場活動，期間獲兩位小朋友獻吻，冧得她一臉陶醉！對於將在下月《萬千星輝頒獎典禮2018》角逐「最佳女配角」及「最受歡迎電視歌曲」，心穎不諱言雖然今年較少提名，反而感到開心：「以前覺得自己冇機會，當陪跑，今年對個角色有信心，有啲機會爭，對自己演出滿意。」問到是否與男友馬國明做對手戲，才演得投入？她即撒嬌否認。
談到馬國明有份爭視帝，惟同劇的馬浚偉卻無緣入圍，她表示有留意：「佢（馬國明）都話自己今次唔係最主要嘅角色，所以睇得好化，我喺App投咗票畀佢。（叫佢投番你？）唔使叫，如果佢投第二個，我就要睇吓點應付。（是但一個拎到咪好開心？）獎項對每個人唔同價值。（點慶祝？）都係食餐飯。」
