「萬人迷」碧咸（David Beckham）一家位於英國科茨沃爾德斯、價值約6,000萬港元的大宅接連成為賊黨目標，繼上月被企圖爆竊後，本月14日凌晨又再險被入侵，事件相距不過4周！據悉事發時碧咸夫婦與子女都不在場，保安於閉路電視發現賊人蹤迹後，約七隊保安帶着兩隻攻擊犬進行追捕，不過賊人最終逃去！
有指碧咸夫婦大感不安，當地居民受訪時表示：「依家賊人好似持續趁佢哋唔喺屋企就落手咁，好在佢哋上次差啲被爆竊後加強咗保安同狗，可以保護到大宅。」兩次事件估計由同一班專針對有錢人下手的賊黨策劃！碧咸暫未回應事件，但日前在社交網就晒大仔布魯克林（Brooklyn）與囡囡夏柏舒芬（Harper Seven）的溫馨照吸Like！