馮盈盈自爆打咗Botox！
前港姐馮盈盈前晚與蘇麗珊及JW（王灝兒）再戰《美女廚房》，誓要一雪前恥，最終盈盈勝出一洗「地獄廚神」污名！不過，身為港姐的她有嚴重懶音，竟講出「鄉」港小姐、好「缸」淨、床前明月「乾」，令戲劇大師詹瑞文（詹Sir）忍不住要出口糾正！
雖然懶音不少，但盈盈口齒伶俐，輕鬆讀出急口令，見到紅酒又大拋書包：「我覺得似係Old world……『Bordeaux』嗰邊囉！」詹Sir聽到讀錯音即寸爆：「咩係『Bordeaux』（波爾多）啊？」反應快的盈盈即玩食字：「啱啱打完Botox（肉毒桿菌、跟Bordeaux發音相似）返嚟，啲牙骹好緊！」