賭王何鴻燊昨日97歲生日，四太梁安琪及子女到養和醫院為他慶生，下午2時已有菲傭拿生日蛋糕等準備。至4時許，四太與猷君抵達，見猷君捧着厚書說：「係我人生第一本招股書。」眾人上樓舉行生日派對，至約6時半離開，八姑娘亦在其中。
四太再偕猷君受訪，她說：「我送咗肉嘴（香吻）畀何生，最開心係阿仔講畀爸爸聽，佢公司上市嘅事。」猷君即說：「公司上市爸爸唔知，講畀佢聽佢好驚訝，唔係好信咁。」四太又謂：「都係成家人畀祝福何生。（佢有食生日蛋榚？）其實唔可以食多，佢好想食。」猷君在微博上載全家福，架着黑超的賭王與四太、猷君、八姑娘何婉鴻等合照。