阿仔澳洲寄宿黎瑞恩：想佢獨立
藝人黎瑞恩（小恩子）昨日出席慈善活動記者會，講到由以前行路上廣州，變成現在行路到泰北，她指未有時間參加泰北行，事關兒子剛考到澳洲寄宿學校，明年初她會離港幾個月，去澳洲安頓好兒子。
小恩子更爆兒子面試時激到她一肚氣：「有幾個入學試喺香港考，考完就要視像面試，人哋問佢有乜嗜好，佢竟答食飯同瞓覺，我喺後面聽住真係頭頂冒火，咁答真係死啦！佢話係講真話，咁我覺得又冇錯嘅。好彩第二日學校打嚟話收佢咋。」兩子女都到外國留學，她終獲自由？她笑言：「係呀！（唔捨得？）又唔會唔捨得，因我想阿仔學獨立，男仔應該男子漢啲，唔可以乜都搵媽咪同工人幫，家姐去咗外國，返嚟變咗另一個人，識照顧自己又識唔好亂使錢，以前佢鍾意就要買(口架)。」