藝人張彥博昨日為「維特健靈」活動擔任表演嘉賓，他表示早前拍劇時頸椎移位，現需長期接受物理治療，雖已逐漸康復，但有後遺症：「之前條頸有一邊腫咗，所以就算好番，個頭都自然側埋一邊。」
提到首個演唱會舉行在即，他透露正積極操肌：「如果成果好都想露吓腹肌。（有咩嘉賓？）暫時Confirm嘅有馬德鐘同陳奐仁，仲有好多前輩都想嚟支持，好似Bobby（歐陽震華）、黎瑞恩等等，不過啲期未必夾到。其實最想請克勤同校長，佢哋係我參加歌唱比賽時嘅導師。」
