梁家輝扮Freddie踩場阿倫笑似謝賢

嘉賓梁家輝驚喜登場,形神俱似地模仿英國搖滾樂隊Queen已故主音Freddie Mercury,與阿B合唱《We Will Rock You》,觀眾興奮企起身,掀起全晚高潮!而溫拿樂隊的四位成員緊接出場,眾人合唱《L.O.V.E.》及《Sha La La》等大熱歌曲,譚詠麟更笑言以為梁家輝是謝賢!最後阿B獨唱《讓一切隨風》,演唱會圓滿結束。

騷後受訪時,阿B指演唱會像朋友聚會,又讚梁家輝非常認真:「我睇咗講Queen嗰套戲就決定玩一段,佢好放,勁過我!我係實力派,佢係動作派!」問到這晚表現值幾分?他稱85分,兩個女就有90分:「二女好多同學喺度,所以佢好緊張。佢細個招招積積,真係女大十八變,不過肯陪我唱都算好乖。」提到好友梁朝偉未有到場,阿B直言要看對方會否於第二場出現:「佢好飄忽,如果心血來潮就會嚟。(佢話你翻唱佢首歌係『踢館』?)講笑啫,佢話佢唱得好啲,但我話我做戲好啲。(第二場同佢合唱?)上台應該唔會,私人Party就會。」