黃智賢王君馨夫妻集氣擸獎
藝人黃智賢（Ben）與王君馨在台慶劇《是咁的，法官閣下》演夫妻，演出備受讚賞，劇情引起觀眾共鳴，二人異口同聲指希望劇集奪「最佳劇集」！
羨慕老死台上發光
Ben首次演台慶劇男主角，劇中他與關禮傑同是大狀，二人鬥嘴的過癮戲成為網民熱話，原來現實生活中，他亦有個類似的老死：「張錦程係我中學同學，嗰時佢已經係劇社嘅風頭躉，坐喺台下嘅我好羨慕，不過當時屋企窮，放學就要返去幫手。（由細到大都好想做戲？）係，我真係好鍾意睇電視，所以當初獲簽約無綫，真係好開心！」提到台慶獎項，他形容今次劇集的成功絕對是台前幕後共同努力的成果，最想奪得「最佳劇集」。
二人世界再Plan B
而王君馨亦指劇中角色令觀眾由厭煩變為同情，同時寄望劇集贏得「最佳劇集」！有指她不肯為老公生B，她說：「我哋真係好珍惜二人時間，年紀都仲細，所以希望用呢幾年，畀啲時間夾吓生活節奏，亦慢慢計劃將來有屬於自己嘅屋企，跟住再生小朋友。」
髮型：Willie Chan@hair culture