黃紫盈性格分裂隨時閃婚
前無綫新聞主播黃紫盈離開娘家五年，最近轉投亞視任《香港追擊搜》主持，談到以前做新聞主播要扮莊重：「依家我教小朋友司儀班，播番以前做主播啲片畀佢哋睇，佢哋話：『點解Miss個樣同講嘢唔同咗？』以前啱啱大學畢業就要着西裝，嗰時係冇咁自然；後來主持天氣報告，前輩就話嗰個先係我，會跳嚟跳去，所以有少少性格分裂。（娘家走寶？）唔會，人才好多，我跳出嚟後，做過環遊世界旅遊節目，又主持過金融、娛樂、美容等多個範疇，逼自己學多啲。」
多位靚女主播如林燕玲、張文采等先後嫁人，她自言會隨時閃婚，更透露有穩定的男友：「我從未試過工作上遇到另一半，唔鍾意日對夜對會好尷尬，所以拍檔做唔到我男友，成日同人講笑如果喺街撞到再考慮答你，但我個男友係Long D，所以好難撞到！我鍾意有距離感，需要私隱。」又透露亞裔男友並非香港出世。