鍾舒漫淚浸處女騷美腿舞全場

出道11年的鍾舒漫（Sherman）將於12月18日開處女騷，在旺角麥花臣場館舉行《鍾舒漫R U Sher？演唱會》，首次開騷的她心情很興奮，問到是否等了很久？她說：「期待一定有，但原來11年好快過，依家唔會話有太遲或過咗嘅感覺，覺得啱啱好。」講到演唱會主題，她表示想與大家一起開Party：「希望今次音樂嘅Beat可以叫到內斂嘅香港人郁吓跳舞。」她坦言今次會大跳大唱，亦會有Solo跳舞環節，讓大家現場感受香港歌手跳舞的震撼。

歌衫好Open

提到早前上載音樂故障但臨危不亂落力跳舞的短片，獲網友讚實力強勁，Sherman謙稱：「對我嚟講，嗰日最感動嘅係Teamwork，個個走出嚟嘅同伴都畀支持我，覺得呢個情境好有愛，我先擺上網。」問屆時可會加入類似的環節表演？她故作神秘：「唔知o架，案件重演。」問可會性感騷身材？她說：「歌衫未落實會點樣着，但性感我不嬲都唔介意，最緊要着得好睇，呢方面我係Open！（冇底線？） 底線就係人哋望落要舒服，唔好感覺不良。（最有信心騷邊Part？）要咁講惟有講我對腳啦！」

胞妹做「打雜」

Sherman透露也會唱感性的慢歌，並會講述入行以來的心路歷程：「想同所有人表達真正嘅Sherman係點，但我驚我會喊死，一定會喊！（工作、愛情方面都講？）會呀，但未必講到好白，因為我有好多歌已經表明咗自己嘅心路歷程。」

嘉賓方面，她表示正聯絡，一班好姊妹如衛蘭、衛詩、王君馨等亦會來支持，妹妹鍾舒祺就做「打雜」幫手：「我哋有合唱歌，同時佢都會做我嘅和音。」提到要兼顧準備與王祖藍合作的宗教音樂劇，她表示雖有壓力，但有信心能做到，首次與對方同台演出，亦會乘機向他請教演戲心得。

化妝：小鬼 @ imp Makeup Artistry

髮型：Green Cheung @ FIFTH salon

服裝：Avenue1218

場地：Mustard Seed