李幸倪舞台變睡房除衫任睇

Gin一口氣獻唱多首歌曲，粉絲聽出耳油。

Gin Lee為配合音樂會主題，以睡衣造型出現，表演期間更在台上的布幕後換衫，在大燈照射下，見其剪影除衫和着衫的過程，相當性感誘人，台下歌迷尖叫聲四起。

唱別人的歌有難度

她接受訪問時表示今次音樂會與林夕Crossover，獻唱對方為她及其他歌手填詞的歌曲，包括王菲、林憶蓮、謝安琪及麥浚龍的歌：「其實好多首歌都好有難度，謝安琪嘅《你們的幸福》最難唱，因為啲歌詞好多好密，同埋都係第一次一口氣唱咁多其他歌手嘅作品。」

只得三星期籌備

提到舞台以睡房設計，Gin笑言出動家中的私伙擺設：「好似水杯咁，仲有同事照住我隻貓嘅樣整咗個咕𠱸，繼上次喺紅館我第一次赤腳唱歌後，今次就着毛毛拖鞋，但唔係真係屋企對拖鞋。（平時會唔會着人字拖落街？）唔會，除非去沙灘。 」又稱只得三星期籌備個唱：「但我真係好鍾意呢個概念，希望遲啲再諗吓可以點發展落去。」

表演期間，Gin突然除衫，粉絲尖叫聲不絕。

Gin很喜歡今次演唱會的主題。